ابيات اعجبتني وحبيت انقلها لكم

بسم الله الرحمن الرحيم

أجيـه وأدري لــو أجــي مالقيـتـه
لكـن كـذا أرتـاح لاجيـت ماضـيـه

والله لا امـوت وغايتـي مانسيتـه
حتـى بصلاتـي اطلـب الله يهنـيـه

الحـاره اللـى تفتـخـر فــي مبيـتـه
نامت كما طفلٍ فقد حضـن اهاليـه

حتى في غيابـه للشـوارع شكيتـه
قالت تصدق عاد مثلك انـا اغليـه

يشهـد جـداره مـن حنينـي بكيـتـه
ودي أضم جدار بيتـه وأنـا ابكيـه

ياما بصدق أحساس قلبي عطيتـه
وياما خذاني من التعب بين اياديه

أذكـر فـي ذاك اليـوم مـره لقيـتـه
يبكي وضايق ياصاحبي من لياليه

جيتـه بـدون شعـور لهفـه خذيتـه
وساعه أنـا ويـاه جالـس اواسيـه

وشرد خيالي مـن دموعـه نسيتـه
جالس أفكـر فـي دموعـه وناسيـه

أثــره ينـاظـر دمـعـتـي مـارأيـتـه
قام وسألني ليش تبكـي وأنـا فيـه

مسح دموعي ياصاحبي واحتويته
مثل الغريب اللـى تضمـه غواليـه

واليـوم انـا والدمـع وجـدار بيـتـه
نسترجـع الـذكـرى قـبـل لايخلـيـه