يا أبوي لا يلحقك شك ولا ريب
أنفض هجوسك وارفع الراس عالي
أنا شبابك لا غزا راسك الشيب
وأنا عضيدك لو تجور الليالي
أي والله أبشر يا رع الطيب بالطيب
والله لـ..أسدّك لو يضيق المجالي
آمر وتحت أمرك تهون المطاليب
إنخا وتلقاني قريبٍ موالي
أجيك كلّي ما خشيت المصاعيب
لي طلبت تكفا يا يبه طاب فالي
إن عاش راسي يا عزيز المجاذيب
لـ..أشيل حملك لو يفوق احتمالي
واطفي ظماك إن حَثْرَبنَّ المشاريب
وأسقيك من زندي قراحٍ زلالي
ولا يهمك يا كريم المواجيب
يفداك حالي يا يبه والحلالي
أبشر وذيبك يا رفيع الشرف ذيب
يا أبوي دام تشوفني لا تبالي
الرئيسية 
أحدث الصور 
التسجيل 
السبت أبريل 21, 2012 2:56 pm من طرف 
موضوع: يا أبوي لايلحقك شك ولاريب 
